Внимание! Конкурс сочинений!
Раённы камітэт Беларускага рэспубліканскага саюза моладзі сумесна з раённым саветам Беларускай піянерскай арганізацыі запрашаюць школьнікаў 5-11 класаў паўдзельнічаць у раённым этапе рэспубліканскага конкурсу сачыненняў, эсэ і вершаў «Мая Беларусь. Мая будучыня».
Для ўдзелу ў конкурсе трэба напісаць аўтарскі твор на адну з наступных тэм: «Мая радзіма – Беларусь!», «Мой Прэзідэнт», «Мой родны кут, як ты мне мілы», «Мая Беларусь. Мая будучыня». Работы прымаюцца як на беларускай, так і на рускай мовах.
Пры падвядзенні вынікаў улічваюцца творчы характар, арыгінальнасць, самастойнасць і глыбіня меркавання аўтара, раскрыццё выбранай тэмы, граматнасць.
Пераможцы будуць вызначаны ў трох узроставых катэгорыях: 5-7, 8-9 і 10-11 класы.
Калі вы любіце сваю Радзіму і хочаце расказаць аб гэтым – удзельнічайце ў конкурсе. Больш падрабязную інфармацыю можна атрымаць у райкаме БРСМ ці раённым савеце БРПА, а таксама на сайце «Астравецкай праўды».
Паспяшайцеся: заяўкі на ўдзел прымаюцца да 24 снежня.
